“رد یاعید و اخجل من الایتام “،قصيدة من الشعر الشعبي الاحوازي،للشاعر الشاب ميثم الساري

wetyruuiiهذه القصيدة الوطنية قبل كم ليلة هزت أركان قاعة «آفتاب»في مدينة الاحواز وذلك ضمن مهرجان” ليالي رمضان،القصيدة رائعة وكان الاداء أروع وهي للشاعر الشاب ميثم الساري.

مو بس احنه حته اهدومنه اتخاف
یجي العید و نحس بثیابنه اتبید

فقارا و حسره صارت گعدت البیت
ابیا دربونه نفرش سفرت العید

ابملابس عیدنه انشم ریحة العوز
ونحسب بل جروح المالهن حد

رد یاعید و اخجل من الایتام
شو هم جیت مو طرداک ابو امجد؟!

[ ها یعید اردود اجیت و هم هذیچ ایامک المره الحزینه ابلا فراهه عاودن و….. ]
____________

قنابل زرعو ابکتب التلامیذ
اشما حاس القلم حِس قنبله اتثور

درسنه وللدفن ماعدنه گیعان
لل ایجار رحنه اندور اگبور

اشوفك یاوطن ضایع بل اوطان
یا ابو الخیر خیرك فشله مهدور

اشکثر منك زلم دفنوهه بل ماي
اوعلي انگلبت مگابر نص ال ابحور

إل ایگلّك مناضل گِلَّه چذاااااب
لحد متشوف اثر جلدات الظهور

الیلمك رایدك حصة التنانیر
چذب مو عل تطشر گلبه مکسور

أبي ومن غیرتك کشخت البلدان
وتخلص العید کله ابثوب عاشور

ابسنة ألف وتسعمیّه
وثمانین 1980
الفقاره انتفضت اعله الذله والجور

فزع بیهم ” حَمَد ”
وبیَمنته اسلاح
او ورا هوّست أمّه و یشهد الهور

” حمد ” یبرالك الله او روح یمّا امودع الله اویاك

إذا سالم علي ردّیت اگصنّه الثدي الرضعاك

اریدن جیتک ابتابوت حته اتنومَس ابملگاك

‘ لاتهدل عصابة راسي’

[ الك تاریخ تشهدله السلاطین
وعله السّاتر هضیمه الزلمه مستور

لاتفزع امبارك صیح ويّاي
ترا الیزرع صرایف یحصد اقصور

حضارة موطنك تاج الحضارات
وأهل الشور منك تاخذ الشور

خذت دور الگناطر حصتک الدوس
شجاك و ماصرت للماي ناعور

طفل عندي امن اجه فصل امتحانات
شرط یعلگ حفل لو ینجح او نور

اولِدي وِامدلّله ومتامل اعليه
وارسمه ابّالي ضابط مرّه دکتور

نجح بس ابوطنّه الینجح ایموت
رحت قمت احتفال ابوسط الگبور

_ میثم الساري … 

تشرفنا بزيارتكم ونتمنى دائما أن ننول رضاكم.

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s