صورة

ارتحال الشاعر الوطني الأحوازي الشيخ ابراهيم الديراوي

13151535_1745899972289089_306002243339634622_n

عرف الشاعر الكبير الشيخ الديراوي بمواقفه البطولية تجاه شعبه، وقصائده معروفة لدى المواطنين الأحوازيين، لأنها تعبر عن المشاعر العروبية النابعة من ضمير إنسان حي لم ينس شعبه ولم يتجاهل قضيته بالرغم من الظروف الأمنية الصعبة التي كانت تحيط به،رحم الله الفقيد بواسع رحمته واسكن روحه الطاهرة فسيح جناته وانا لله وانا اليه راجعون.

قصيدة من قصائد الشاعر الأحوازي الكبير الديراوي وهي من القصائد الشعبية التي يتميّز  بيها شعراء الاحواز على غيرهم والتي تعرف ب “القلايد”:

یمه لا تبچین مو وکت البواچی

های الزلم عیب اتهاب بس الچعبه لاچی

یمه دمعچ لا یشوفونه الیکرهون انصیر حچایه لیهم

یمه گوه اتجلدی جدامهم وابگلب صابر جابلیهم

یمه لو شافوچ مکسورة الواهس یفرحون آنه ادری بیهم

یمه آنه ادری بمصیبتنه الچبیره امل اکبر من مصیبتنه حچیهم

یمه هم تدرین هذوله ویانه الیا سبب شدوا عداوه

ما تملگناهم یمه ولا هبطنا لیهم روسنه وادینا خاوه

یمه عیب العنده غیره ویه الذی مسلوبه من عنده یتخاوه

یمه کل گطره التهل من عینچ بگلب العدو تنشتل فرحه

یمه والظالم شماراد یتحفظ الوکت متکفل بفضحه

یمه لیل الظلم ماهو طویل لابد ینتجی و یلوح صبحه

یمه من یهلی عرفت العار والذل و الهضیمه

و رفضتهن و طلعت انشد وادور الفخر و العز والعزیمه

یمه یا ما سحگ جدمی الحافی شوک الوکت واتدمی (ابصریمه؟)

یمه ما یرجع شما لاگی ابطریجه اللاح یتطلب الشیمه

یمه من اجدادنا احنه تعلمینه اشلون نثبت بالشدائد

عرب احنه و ذول اهلنه ولیهم التاریخ شاهد

والحمیه المن ثدایاها رضعنه …

اتدور من اتشوف واحد اجنبی وخرنه وعلینه یتجدم ویتحکم

یمه لهل الساعه بعدها الغیره ما عافت شرایین العرب منخلطه بالدم

یمه ما ینزل من الحنیور طعم الذل و حگ عیناچ علقم

یمه هذول احنه افاعی ومن یهیج الزعل بینه انسوی کل الکون اظلم

نسلب من عیون اعادینه لذیذ النوم و (انشففه؟) بالسم

چتفونی و گاعی من عندی خذوها .. چتفونی وکوختی البیهه حرگوها

لا تناشدنی علی مسحاتی من ایدی فرقسوها

چتفونی و ذبحوا ابنی و لطخت روحی ابدمه

واشکرت ربی الخلگنی عمت عینه الما یشوف الصار بیه

انشلت اید الما تحل حبل الخنگنی وازغرت بعینی الدنیه

عمی یالچنه طفح کارون دمعی .. خلهم ..خلهم اشما رادوا یلعبون خلهم

خلهم اشما رادوا یلعبون و یذبحونه بسچینه عمیه

یمه ما نخضع انحب الاید ما نخضع انحب الاید ما نخضع

یبنی من تصهل مهرتک نذکر ایام المضایف والضیوف

یبنی من تعرگ چفوفک تمطر الدنیا علینه خناجر بین چفوف

یغنی بیک الما یغنی .. یصلی بیک الما یصلی.. ایشوف بیک الما یشوف

الدنیا یبنی مسودنه اتبدل طبعهه .. ابکیفها تفسر الطیوف

غیمه یبنی الفارگتنه و ما لگینه حسین غیرک یرخص الدم الطفوف

گالت امی شنهو گالت

گالت الما یکض الگدح بیده ما یبرد غلیله

و گالت الما یشیل حمله یظل حمله امطشر عله الگاع ما واحد یشیله

و گالت الما نطر دیرته ونام اللیل تتفرهد الدیره

و گالت الغیره فرس یبنی أصیله

وگالت الما یجنی های الفرس عیب تحسبه من های القبیله

و گالت الما یمشی بدروب الطوال الخاطر اهله یفوت ادروب الگصیره

وگالت الیسمع شتیمه هله ویرضی بهای ابد ما عنده غیره

وگالت الما چوه روحه ابألم گومه و ضیم وهموم العشیره ما هو عربی

العربی من یشوف گومه ابضیم یتحرک ضمیره

گالت أمی شنهو گالت

گالت الما صاهر ابوکت الشدائد ینکسر فنجانه لو ینٌطی غیره

گالت البیرق الما یتطرز بدم الزلم خله یتمزگ

والمضیف الموگده ما بیه جمر ما بیه فصل یرجع الحگ

والمگام الما یشور یبنی تستنکف اجدام الزلم فوگ اجدامه تسحگ

یبتی لو فزعت الوادم أنت اولهم اریدک لا تظل تیلوش عود علیهم تلحگ

یبنی لو شفت الزلم امضرمه و للغیم تصعد

انت اصعد للشمس واشتل البیرق

وشوف یا نجمه البعیده و ماوراها انجوم و علیها تمعلگ

بواسطة Ahwaziculture نشرت في مجتمع

تشرفنا بزيارتكم ونتمنى دائما أن ننول رضاكم.

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s